ഭരതവാക്യം

കൈ വെട്ടിയവരും, കൈ നഷ്ടപെട്ടവനെ ജോലിയിൽ നിന്നും പുറത്താക്കിയവരുംഒരേ നാണയത്തിന്റെ ഇരുവശങ്ങൾ ആണ്. കൈ നഷ്ടപ്പെട്ടവനെ ജോലിയിൽ നിന്നും പിരിച്ചു വിടുക വഴി, ഞങ്ങളും തീവ്രവാദികൾ ചെയ്ത കർമ്മത്തിനു മാനസിക പിന്തുണ നല്കുന്നു എന്നാ സന്ദേശം ആണ് അവർ സമൂഹത്തിനു നല്കിയത്.രണ്ടും ഭീകരമായ തീവ്രവാദസ്വഭാവം ഉള്ളവയാണ്. ഭീകരവാദം മുസ്ലിങ്ങളുടെ മാത്രം ആണെന്നാണല്ലോ പൊതു മിഥ്യധാരണ. ബോംബും കൈവെട്ടും മാത്രം അല്ല ഭീകരവാദം, ഇത...് പോലെ, കോടതി പോലും വെറുതെ വിട്ട ആളെ മാനസികമായി ഞെരുക്കി ഒരു കുടുംബം തകർക്കുന്നതും ഭീകരവാദം ആണ്; വെളുത്ത ളോഹയ്ക്കുള്ളിലെ പൈശ്ചാചിക മനസ്സിന് കണ്ണ്നീർ കാണാൻ ആകില്ല; മുന്നിൽ നിറയുന്ന നോട്ടു കെട്ടുകളുടെ വലിപ്പം മാത്രമേ കാണുകയുള്ളൂ. ഇവിടെ, നഷ്ടം അയാൾക്കും അയാളുടെ മക്കൾക്കും മാത്രം ആണ്. ആത്മഹത്യയിലേക്ക് നടന്നടുക്കുന്നതിനു മുൻപ് ആ സ്ത്രീ എത്ര മാനസീക സമ്മർദം അനുഭവിച്ചു കാണണം....കഴുത്തിൽ കുറുക്കു വിഴുന്നതിനു മുൻപ് ആ കണ്ണിൽ നിന്ന് വന്ന ഒരിറ്റു കണ്ണുനീർ മാത്രം മതി, സഭയെന്നും, സ്ഥാപനം എന്നും ഒക്കെ പറഞ്ഞു നിങ്ങൾ പടുതുയര്ത്തുന്നതൊക്കെ തകരാൻ...

പക്ഷെ, എന്നാലും, 'പിതാവേ', 'തിരുമേനി'...എന്നൊക്കെ വിളിച്ചു കൊണ്ട്, ചോരയുടെ മണമുള്ള കരങ്ങൾ മുത്താൻ നമ്മൾ ഇനിയും മുട്ട് കുത്തും....ഇവരൊക്കെ, ദൈവത്താൽ തിരഞ്ഞെടുക്കപ്പെട്ടവരെന്നു കൊട്ടോഖോഷിക്കാൻ നാമിനിയും മത്സരിക്കും. ഈ രക്ത ധാഹികളുടെ ജൽപനങ്ങൾ ദൈവ വചനങ്ങൾ ആണെന്ന് കരുതി ഇനിയും നമ്മൾ അനേകം ധ്യാനങ്ങൾ കൂടും.......ഇല്ല, നമ്മൾ ഒന്നിൽ നിന്നും പഠിക്കില്ല...ഇങ്ങിനെ വിധേയർ ആയി ജീവിക്കാനെ നമുക്ക് കഴിയു...

ഇവരുടെ പ്രവർത്തികൾ അല്ല, അവർ ചെയ്യുന്ന നല്ല കാര്യങ്ങൾ മാത്രം നോക്കിയാൽ മതിയെന്ന് പറയുന്ന ഭരണകൂടവും ഉള്ളപ്പോൾ,എല്ലാം പൂർണ്ണമായി....

ഇത് വേഗം മറന്നിട്ടു, നമുക്ക് അടുത്ത ഇരക്കായി കാത്തിരിക്കാം...അവരുടെ കണ്ണ് നീര് കഥകൾ വായിച്ചു കണ്ണ് നിറക്കാം....

എന്റെ ദൈവമേ, എന്റെ ദൈവമേ, എന്ത് കൊണ്ട് നീ ഞങ്ങളെ ഉപേക്ഷിച്ചു....